Чÿк уйăхĕнче вĕренÿ учрежденийĕсенче Яков Ухсай 100 çул тултарнине халалланă уявсем иртеççĕ. И.Я.Яковлев ячĕллĕ Чăваш патшалăх педагогика университетĕнче те хаваслă уяв иртрĕ. Уявра  республика шайĕнче ирттернĕ тĕрлĕ конкурссенче мала тухнисене палăртрĕç. Чăваш чĕлхи кабинечĕсен конкурсĕн çĕнтерÿçисене, чăвашла сайт ăсталаса мала тухнисене, „Чĕвĕли чĕкеç” вăйăра, „Чăваш кĕсли” олимпиадăра пултарулăх кăтартнисене Чăваш Республикин вĕренÿ тата çамрăксен политикин министерствин дипломĕсемпе тата парнесемпе чысларĕç. Педагогика университечĕн ĕçченĕсемпе студенчĕсем пултаруллă вĕрентекенсене, çĕнтерÿçĕ вĕренекенсене юрă-ташăпа саламларĕç.