Яков Ухсай 100 çул тултарнине халалланă интернет олимпиадăна хутшăнакансем паян олимпиада ыйтăвĕсем çине хуравлама пуçлаççĕ. Интернет тупăшăва вĕренекенсене юпа уйăхĕн 19-мĕшĕнче регистрацилеме пуçланă. Олимпиадăна пĕтĕмпе 850 шкул ачи хутшăнма кăмăл тунă. Вĕсенчен 518-шĕ хутшăнакан анкетине те тултарма ĕлкĕрнĕ.

 Аса илтеретпĕр: Олимпиада Чăваш чĕлхин инçет вĕренÿ центрĕн сайтĕнче (http://inset.chv.su.) иртет. Ку тупăшура Чăваш Республикинче тата ун тулашĕнче пурăнакан икĕ ÿсĕмри шкул ачисем хутшăнма пултараççĕ: 5-7-мĕш тата 8-10-мĕш классенче вĕренекенсем.

Веб страницăсенче кашни ÿсĕм ушкăнĕ валли 10-шар ыйту тăратнă.