Раççей Президенчĕ В.В.Путин 2008 çул Çемье çулталăкĕ пулнине палăртрĕ. Çакă общество умне çивĕч задачăсем кăларса тăратать, ку енĕпе ырă ĕçсем тума хавхалантарать. Акă, райадминистрацин вĕрентÿ пайĕ пĕтĕмĕшле пĕлÿ паракан учрежденисенче педагогсен творчество ăсталăхне ÿстерес, фотоискусствăна анлăрах сарас тĕллевпе “Çемье – чĕрĕ пĕрлĕх” фотоконкурс ирттерме йышăннă. Ĕçсене кăçалхи мартăн 25-мĕшĕччен ярса памалла. Конкурсра çакăн пек номинацисем: “Çемье тата шкул”, “Атте, анне, эпĕ – спорт çемйи”, “Çемье тата хальхи общество”, “Раççей – пирĕн пĕрлехи çурт”, “Малашлăх паян пуçланать”.

Çĕнтерÿçĕсене вĕрентÿ пайĕн 1, 2, 3 степень дипломĕсемпе наградăлаççĕ тата хаклă парнесем параççĕ. Лайăх ĕçсене “Халăх шкулĕ” журналта, “Тантăш” хаçатра пичетлесе кăларĕç.