Главa Чувашии Михаил Игнатьев поздравляет с Днем учителя

Вӗренӳ отраслӗн хисеплӗ ӗҫченӗсем тата ветеранӗсем!

Вӗрентекен кунӗ ячӗпе – ырӑ та ҫутӑ туйӑмсемпе, юратупа тулли тата педагогсене чунтан хисеплесе тав тунине палӑртакан хӑйне евӗрлӗ уявпа чун-чӗререн саламланине йышӑнсамӑр!

Вӗрентекен ӗҫӗ – професси кӑна мар, унӑн пӗлтерӗшӗ тата та анлӑрах. Вӑл хӑйӗн вӗренекенӗсене паха пӗлӳ парассишӗн кӑна мар, ҫавӑн пекех вӗсенчен тӗрлӗ енлӗн аталаннӑ, шухӑшлама тата тӗрӗс йышӑну­сем тума пӗлекен, яваплӑха туйса тӑракан, мал ӗмӗтлӗ те лайӑх ҫын туса ҫитӗнтермелли пархатарлӑ тӗллеве пурнӑҫлассишӗн ырми-канми тӑрӑшса ӗҫлет.

Вӗренӳ тытӑмне тӗрлӗ енлӗн аталантарасси, инвестицисене ҫын аталанӑвне хывасси – Чӑваш Республикин патшалӑх политикин тӗп ҫул-йӗрӗсем. Чи лайӑх вӗрентекенсене кашни ҫулах укҫан премисем парса хавхалантаратпӑр, ҫӗнӗ методикӑсемпе программӑсене ӑнӑҫлӑн пурнӑҫлакан шкулсем вара малалла аталанма тата ҫӗнелме пулӑшакан грантсене тивӗҫеҫҫӗ.

Вӗренӳ ӗҫӗ-хӗлӗ валли 2019 ҫулта, аталанӑва хывнӑ укҫа-тенке те шутласан, пӗтӗмӗшле 20 миллиарда яхӑн тенкӗ кайнӑ. «Чӑваш Республикинче пурӑнакан халӑхӑн пурнӑҫ пахалӑхне ӳстермелли хушма мерӑсем ҫинчен» калакан Указ та вӗренӳ тытӑмне малалла аталантарма тӗллев палӑртать, унпа килӗшӳллӗн вӗренӳ учрежденийӗсен пурлӑхпа техника никӗсне ҫирӗплетме хушма майпа 1,2 миллиард тенкӗ уйӑрмалла.

Чӑваш Ен педагогӗсем хӑйсен тивӗҫне туллин те чыслӑн пурнӑҫлаҫҫӗ. Вӗсен ырми-канми тӑрӑшулӑхӗ, пурнӑҫра хастар та яваплӑ пулни, ҫӗннине ҫул парассишӗн ӑнтӑлни пархатарлӑ та пысӑк пӗлтерӗшлӗ ӗҫре малашнехи ҫитӗнӳсен ҫирӗп никӗсӗ пулса тӑрасси пирки иккӗленместӗп.

Вӗренӳ отраслӗн мӗнпур ӗҫченне ҫирӗп сывлӑх, профессире ҫӗнӗ ҫитӗнӳсем, иксӗлми хавхалану тата ырлӑхпа телей сунатӑп!

 

Чӑваш Республикин Пуҫлӑхӗ                    Михаил Игнатьев

Уважаемые работники и ветераны сферы образования!

Примите самые искренние поздравления с Днем учителя – особенным праздником, полным добра, любви, уважения и огромной благодарности к педагогам!

Учитель – больше, чем просто профессия. Перед ним стоит непростая задача не только дать знания своим ученикам, но и помочь сформироваться их личности, научить мыслить и принимать решения, нести ответственность за свои поступки, уметь ставить цели и достигать их.

Всестороннее развитие системы образования, инвестиции в человеческий капитал являются приоритетом в государственной политике Чувашской Республики. Ежегодно лучшие учителя получают денежные премии, а школы, реализовавшие новые методики и программы, – гранты на модернизацию и дальнейшее развитие.

Всего на образовательную деятельность с учетом капиталовложений в 2019 году направлено около 20 млрд рублей. На развитие системы образования направлен и Указ «О дополнительных мерах по повышению качества жизни населения Чувашской Республики», согласно которому на укрепление материально-технической базы учреждений образования дополнительно предусматривается 1,2 млрд рублей.   

Педагоги Чувашии отлично справляются со своей миссией. Уверен, что неутомимый труд, ответственная гражданская позиция, стремление к новаторству станут залогом дальнейших их успехов в важном и  благородном труде.

Желаю всем работникам сферы образования доброго здоровья, покорения новых профессиональных вершин, вдохновения, счастья и благополучия!

 

Глава Чувашской Республики              Михаил Игнатьев



04 октября 2019
10:47
Поделиться